Идалай вилик чна малумарайвал, алай йисан 1-сентябрдиз Сулейман-Стальский райондин Эминхуьре 440 ученикдиз чка жедай цlийи мектеб шад гьалара ачухнай. Алай вахтунда мектебдихъ галай мулкар абадунин, гуьрчегарунин кlвалахар кьиле тухузва. И гьакъиндай «Лезги газетдиз» райадминистрациядин пресс-къуллугъди хабар гузва.
Кьилди къачуртlа, алай вахтунда мектебдин дараматдихъ галай мулкара тарар, кул-кусар цунин кlвалахар саки акьалтlарнава, 1650 квадратдин метрдин чиле «канададин векь» тунва. Футбол, баскетбол ва волейбол къугъвадай майданарни туькlуьрзава. Бязи чкайра къир цанва, тротуарра махсус къванер тунва ва икl мад.
«Лезги газет»
