20-ноябрдиз «Манийралди Дагъустандин тарифун» тlвар алай республикадин фестивалдин-конкурсдин сергьятра аваз, Дербентда кардик квай лезги театрда «Етим Эмин» тамаша къалурда. Идакай «Лезги газетдиз» Лезги театрдин пресс-къуллугъди хабар гузва.
Тамаша лезги ва Дагъустандин шииратдин классик Етим Эминан уьмуьрдинни яратмишунрин гьакъиндай тир делилрал бинеламиш хьанва. Идалайни гъейри, тамаша Етим Эминан чlалариз кхьенвай манийралди девлетлу я.
Жуьрэтлу, жумарт, адалатлу ва азадвал кlани Етим Эминан ролда Россиядин лайихлу артист Абдуллагь Гьабибов къугъвада.
«Лезги газет»
