И йикъара Мегьарамдхуьруьн 2-нумрадин ДЮСШ-да, Мегьарамдхуьруьн район арадал атай йикъалай инихъ 75 йис тамам хьуниз талукьарна, итимрин арада волейболдай турнир кьиле фена.
«Мегьарамдхуьруьн район» МР-дин администрациядин пресс-къуллугъди хабар гузвайвал, волейболдин акъажунра Гьепцегьрин, Гилийрин ва Цlийи Филерин командайри иштиракна.
Турнирдин нетижада сад лагьай чка Гъепцегьрин командади кьуна. Кьвед лагьай чка Цlийи Филерин хуьруьн командади ва пуд лагьай чкани Гилийрин командади кьуна. Хъсан чкаяр кьур командаяр къиметлу пишкешралди, грамотайралди ва медалралди къейдна.
«Лезги газет»
