«Лезги газетдиз» Мегьарамдхуьруьн райондин пресс-къуллугъди хабар гузвайвал, 21-январдиз райондин администрацияда кьиле фейи совещанидал вилик акъвазнавай важиблу месэлаяр веревирдна.

«Шак алачиз, гзаф крар авунва, амма чна къе кьилиз акъудиз тахьанвай ва вилик акъвазнавай кар алай месэлаяр веревирдда. Арадал атанвай нетижаяр веревирдна, юкIвар-чипIер яна, алай 2019-йисан планар кьилиз акъудун патал мукьуфдивди кIвалахун чарасуз я», — лагьана Ф.Агьмедова.

Са кьадар месэлайриз килигайдалай кьулухъ райондин кьили хъвадай цин месэладикай ихтилат кудна. Малум хьайивал, халкьди хъвадай яд менфятлудаказ ишлемишунин серенжемар кьабулунин ва гуьзчивал тухунин жигьетдай райондин гьар са хуьре администрациядин комиссия кардик ква.

Хъвадай цин патахъай дарда авай хуьрера гьавизар арадал гъунин месэладиз килигдайвал я. Райондин кьили къейд авурвал, республикадин ва федеральный программаяр себеб яз, къенин юкъуз яшайишдин месэлаяр гьялдай хъсан мумкинвилер ава, гьавиляй а программайра активдаказ иштиракун герек я.

«Лезги газет»