15-апрелдиз, вирихалкьарин медениятдин юкъуз, Мегьарамдхуьруьн райондин кьил Фарид Агьмедова, нубатдин совещанидин сергьятра аваз, МР-дин медениятдин отделдин къуллугъчи Муьгьидин Улубеговав чухсагъулдин чар вахкана. Идакай «Лезги газетдиз» райадминистрациядин пресс-къуллугъди хабар гана.

М.Улубегов ихьтин шабагьдиз гзаф йисара гьакъисагъвилелди зегьмет чIугунай, халкьдин яратмишунар, адетар вилик тухунин ва хуьнин кардик еке пай кутунай лайихлу хьана.

Ф.Агьмедова М.Улубегова тухузвай кIвалахдиз хъсан къимет гана, адаз кIвалахда гележегдани агалкьунар хьун алхишна.

«Лезги газет»