«Лезги газетдиз» Кьурагь райондин администрациядин пресс-къуллугъди хабар гузвайвал, и йикъара райондин вири хуьрера Интернетдин сетда хатасузвилин рекьяй сад тир тарсар кьиле фена.  

Информатикадин муаллимрилай гъейри, кIелзавайбурухъ элкъвена «Информацийрин технологийрин ва печатдин центр» МБУ-дин начальник Д.Халикьов кьиле аваз,  и центрадин къуллугъчиярни темадай рахана.

К.Абдулхаликьов кьиле аваз, серенжемда райондин образованидин отделдин ИМЦ-дин къуллугъчийрини иштиракна. Ихьтин мярекатар, талукь тир къарардин бинедаллаз, инлай кьулухъни кьиле тухун давамардайвал я.

Къейд ийин, мектебра тухузвай ихьтин тарсарин кьилин макьсад Интернетдин сетда хатасузвилин месэлайра кIелзавайбурун савадлувал артухарун, абурув Интернетдин сетда жув кьиле тухунин гьакъиндай кьабулнавай умуми къайдайрал амализ тун я.

 «Лезги газет»