СтIал Сулейманан райондин Цмуррин юкьван школада ачухнавай школьник­рин гатун лагерда 100 аялди ял язава ва чпин сагъламвал мягькемарзава. Вожатыйри аялрихъ галаз зигьин, кьатIунар артухардай гьар жуьредин серенжемар кьиле тухузва, аялрихъ галаз хуьруьн Гъалибвилин музейдиз, тIебиатдин гуьзел чкайриз экскурсияр тешкилзава.

И йикъара лагерда ял язавай аялрин рикIел яргъалди аламукьдай  са шад ва­къиа мадни кьиле фена. Да­гъустанда мугьманвиле­ авай машгьур баскетболист Алексей Миронов­ абурухъ галаз гуьруьш­миш хьана.

Гуьруьш райондин спортдин, туризмдин ва же­гьилрин крарай коми­тетди образованидин уп­равленидихъ галаз санал тешкилнавайди тир. Анал мугьманди вичин спортдин рекьикай школьникриз метлеблу ихтилатар авуна ва абурун суалриз жавабар гана.

Хазран  Кьасумов