16-сентябрдилай “Азимут” авиакомпанияди Махачкъаладай Тюмендиз, акъваз тавуна, дуьз чкадал кьван фидай рейсер ачухзава. Абур гьафтеда кьве сеферда тамамарда, — хабар гана Махачкъаладин аэропортунин пресс-секретарь Сапура Мегьамедовади.
“16-сентябрдилай Амет-Хан Султанан тIварунихъ галай Махачкъаладин аэропортунай Тюмендиз дуьз чкадал кьван фидай рейсер ачухда. “Азимут” авиакомпанияди рейсер ислен ва жуьмья йикъара тамамарда”,- лагьана агентстводин векилди.
Адан гафаралди, рейсер Sukhoi Suprjet 100 маркадин самолётра аваз тамамарда. Самолёт Махачкъаладин аэропортунай Москвадин вахтуналди сятдин 00:55 вахтунда экъечIда, Тюмендиз чкадин вахтуналди иридаз вад декьикьа кIвалахайла агакьда (лув гунин вахт 3 сятни 10 декьикьа жеда). Тюмендин аэропортунай самолет чкадин вахтуналди сятдин 07:05 вахтунда экъечIда, Махачкъаладиз Москвадин вахтуналди пакаман сятдин 9-даз 25 декьикьа кIвалахайла агакьда (лув гунин вахт — 3 сятни 20 декьикьа).
«Лезги газет»
