Алай йисан 2-ноябрдиз, 71 йисан яшда аваз, РД-дин ва РФ-дин лайихлу юрист, Кьасумхуьрелай тир Жабраилов Мегьамедтагьир Жабраилович рагьметдиз фена.

Мегьамедтагьир Жабраиловича 40 йисуз Дагъустан Республикадин прокуратурадин органра кIвалахна. Дербент шегьердин прокурордин заместителвиле кIвалахзавайла, ам отставкадиз экъечIна. 2017-йисан июлдилай 2019-йисан апрелдалди Дагъустандин Огни шегьердин администрациядин кьилин куьмекчи яз, 2019-йисан ноябрдилай Дербент шегьерда кардик квай экономикадинни праводин колледждин директордин куьмекчивиле кIвалахна.

Зегьмет чIугур вири коллективра Мегьамедтагьир Жабраиловичаз гьуьрмет авай. Ам халисан пешекар ва камаллу насигьатчи тир.

Колледждин директор Гьайдаров Насир Алиевича ва вири коллективди рагьметлудан хизандиз, багърийриз башсагълугъвал гузва.