Дербентдин  ракьун  рекье­рин­ музейда авай  Мегьа­мед Эфендиеван (1891-1970-йисар)­ «Заз Лев Тол­стой ва адан хизан чидай» ктаб  сифте яз  авторди­ 1964-йисуз чапдай акъуднай. Ги­ла а ктаб (кьве паюникай ибарат тир) мад сеферда чапдай ахкъуднава: са пай — урус, муькуьди лезги чIаларал. Сифтегьан изданидилай тафаватлу яз, цIийи ктабда Мегьамед Эфендиева янавай шикиларни гьатнава.

Къейд ийин хьи, ктаб винидихъ тIвар кьур музейдин директор Гьажиагъа Мегьамедше­рифова урус чIалай лезги чIа­лаз таржума авуна ва вичин такьатрихъ чапдай ахкъуднава.

Гьайиф хьи, М. Эфен­диеван пара чIехи мана авай «Жегьил дустагъ» (1907-1917-йисарин ри­­­кIел хкунар) тIвар алай пуд томдикай ибарат ктаб гилани, экв такуна, гъилин кхьинрин чешме яз ама…

ЦIийиз ахкъуднавай ктаб­дин­ тираж 300 экземпляр я. Таржу­ма­чиди ам шегьерра, районра­ лезги чIалан тарсар тухузвай­ мек­тебрин ктабханайриз (са-са­­ экземпляр) пишкеш яз гуз­ва,­ ан­жах са шартIуналди — гьар са мектебдай Дербентдин­ ракьун рекьерин   музейдиз   сиягьат­­диз­  15-далай  виниз  аялар­ ­гъана­ кIан­­­­­­зава. Музейдиз са югъ вили­ка­маз телефондин 8-960-417-48-00 нумрадиз зенг авун герек я.

Амирхан ­Мегьамедшарифов,

РФ-дин журналистрин ­союздин член