“Лезги газетдиз” Сулейман-Стальский райондин администрациядин пресс-къуллугъди хабар гайивал, 21-февралдиз Кьасумхуьрел лезги чIалай “Хайи чIал хуьнин ва вилик тухунин рекьер” лишандик кваз гьар йисуз тухузвай илимдинни тежрибадин  VIII  конференция жеда. Тешкилатчияр райондин администрация ва ДГУ-дин филологиядин факультетдин Дагъустандин чIаларин кафедра я.

Конференциядин сергьятра аваз са шумуд месэла веревирдда. Абурун арада мектебра лезги чIалан ва эдебиятдин тарсар гунин менфятлувал хкажун, лезги чIалай ва эдебиятдай акъудзавай ктабриз къимет гун, Сулейман-Стальский райондин топонимика, лезги чIалай ва эдебиятдай тарсар гунин алай аямдин методикаяр ва маса месэлаяр ава.

Конференцияда алимривай, муаллимривай, яратмишдай ксаривай, аспирантривай, студентривай, чIалал рикI алай гьар са ватанэгьлидивай иштиракиз жеда.

Къейд ийин хьи, конференциядал авур рахунар, докладар махсус кIватIалда чапда.

Тешкиллувилин комитет