Мини-футболдай турнир мукьвара До­къузпара райондин ЦIийи Къаракуьре хуьрени кьиле фена. Муниципалитетдин ад­ми­нистрациядин пресс-къуллугъди хабар гуз­вайвал, Дагъустандин Конституциядин йи­къаз талукьарнавай акъажунрин финалда Усугъчайдин “Леки” ва “Миграгъ-Къаз­ма­яр” къугъвана. Гуьруьшдин нетижада гъалибвал “Лекидиз” кьисмет хьана. КIвен­кIвечи чкаяр кьур командаяр кубокриз, медалриз, грамотайриз ва пулдин пишкешриз лайихлу хьана.

Къейд ийин хьи, турнирдин спонсорар Докъузпара райондин администрация ва чкадин собранидин депутат Мидяд Сулейманов тир. Муниципалитетдин администрациядин спортдин, жегьилрин сиясатдин ва туризмдин отделдин кьилин везифаяр вахтуналди тамамарзавай Имиржан Алискерован гафаралди, турнирди сагълам уьмуьр таблигъат авунихъ галаз ­санал чпихъ хъсан алакьунар авай спортсменар винел акъуддай мумкинвални гана.

Чи мухбир