Зимбабведикай итижлу делилар
— Зимбабве Африкадин уьлкве я. Адан умуми майданди 390580 квадратный километр кьазва.
— И уьлкведа 14 миллиондив агакьна инсанар яшамиш жезва.
— Ингилис чIал Зимбабведа официальный чIал я.
— 1980-йисалди Зимбабве Великобританиядин колония тир, а чIавуз аниз Кьиблепатан Родезия лу–гьузвай.
— Ажайиб тIебиат, кесибвал, зегьемлувал авай уьлкве я.
— Зимбабведа гьамга хьтин ятар авахьзавай вацIар, еке чарчарар, надир гьайванар ава.
— 1980-йисан 18-апрелдиз Зимбабведикай аслу тушир государство хьана, гьа чIавуз Хараре меркез яз тестикьарна. Ам михьи, къулай ва къацу шегьер я.
— 1920-йисуз рагъакIидай патан археологри шегьердин бине къадим Финикиядин агьалийри ва я арабри кутурди я лагьана.
— Зимбабведа марфар къунин муддат ноябрдилай мартдалди давам жеда.
— И уьлкведа виридалайни мекьи варцар июнни июль я.
— Дуьньядин виридалайни еке ва гуьрчег чарчаррикай сад тир Виктория Зимбабвединни Замбиядин арада авай сергьятдал ала. Чарчардин гьяркьуьвилел 1,8 километр ала, яд гадар жезвай чкадин кьакьанвал 108 метр я. Чарчарди арадал гъизвай циф 50 километрдин яргъайни аквазва. Виктория ЮНЕСКО-дин сиягьдик ква.
— Зимбабве кофе арадал гъунин жигьетдай дуьньяда вилик жергеда авай уьлкве я.
— Африкадин континентда Зимбабве виридалайни мекьи гьава жедай уьлкве я.
— Зимбабведа алмасар, якъутар, зумрудар квай чкаяр ава. ТIебиатдин девлетар авай государство ятIани, анин агьалийрин 70 процент лап кесибдаказ яшамиш жезва.
— Гьар 4 йисалай Зимбабведин агьалийрин кьадар са миллиондин артух хъжезва.
— Дуьньяда амай чIулав носорогрикай са пай Зимбабведа яшамиш жезва.
— Чкадин агьалийрин рикI алай спортдин жуьрейрик крикет, регби ва футбол акатзава.
«Лезги газет»
