Вьетнамдикай итижлу делилар
— Вьетнам гзаф миллетрикай ибарат уьлкве я. Ана авай 54 халкьдихъ гьар садахъ вичин меденият, чIал ава. Уьлкведин асул (86 %) халкь вьетнамвияр я.
— Вьетнамда виш миллиондив агакьна инсанар яшамиш жезва.
— И уьлкведин умуми майдан 331210 квадратный километрдикай ибарат я.
— Вьетнам Азиядин Индокитай полуостровдал алай гъвечIи уьлкве я.
— Гатун вахтунда Вьетнамда чимивал 60 градусдив агакьун мумкин я.
— Эхиримжи йисара Вьетнам хъсанвилихъ дегиш жезва, анаг туристрин фикир желбзавай чкадиз элкъвенва.
— И уьлкведин меркез Ханой ятIани, экономикадин жигьетдай важиблу ва чIехи шегьер Хошимин я.
— Вьетнамвияр аскIанбур я. Буйдин кьакьанвал 175 сантиметрдиз барабар инсан ана лап кьакьанди яз гьисабзава.
— И уьлкведин куьчейра домино, тIамаяр, къумар ва я шеш-беш къугъвадайбур мукьвал-мукьвал аквада.
— Вьетнамдин къалин тамар, кIачIичIлухар (джунгли) гзаф хаталу чкаяр я, гьар нивай хьайитIани ана дурум гуз жедач.
— Ракъинин кузвай нурарикай чин хуьн патал гзаф вьетнамвийри маскаяр алукIзава.
— Бразилиядилай алатайла, кофе гьазурунин жигьетдай кьвед лагьай чкадал алай уьлкве Вьетнам я. Итижлу делил ам я хьи, вьетнамвийри чпи кофе саки ишлемишзавач, арадал къвезвай бегьер вири маса уьлквейриз ракъурзава.
— Бирмадилай алатайла, дуьгуь гзаф ишлемишзавай кьвед лагьай уьлкве Вьетнам я. Юкьван гьисабдалди, йисан муддатда са вьетнамвиди 169 килограмм дуьгуь незва.
— Вьетнамдин пулуниз “донги” лугьузва. И пул чарчикай ваъ, пластикадикай авунва. Кьежин ва къазун тийидай пул я.
— Вьетнамдин агьалийри крокодилдин, деве-къушдин, акьрабдин, хъалхъас хъипрен ва маса гьайванрин якIар незва.
— Вьетнамда чарчарар гзаф ава.
— Вьетнамда улакьдин еринда гзафбуру скутерар ишлемишзава.
«Лезги газет»
