Дуьньядал алай лап чlехи гьайванрикай сад носорог я. Адакай бязи делилар итижлу я. Малум тирвал, гьайванрин арада, екевилел гьалтайла, сад лагьай чкадал фил ала, кьвед лагьай чкадал — носорог. Носорогдин бедендин яргъивилел — 4-4,5 метр, кьакьанвални 1-2 метр кьван хьун мумкин я. Заланвал лагьайтlа, 2-4 тонндив агакьзава .

Исятда дуьньядал носорогрин 5 жуьре яшамиш жезва. Чlулав рангунинбурулай тафаватлу яз, лацубур еке я. И гьайванрин вири жуьреяр терг хьунин къурхулувилик ква, абур Яру ктабда гьатнава. Лацу ва чlу­лав носорогар Африкада гьалтда, муькуьбур — Азияда.

Носорогар векь недай гьайванар я. Чпин жуьрейрилай, яшамиш жезвай чкадилай аслу яз, абур тlебиатда 35 йисалай 50 йисара кьван вахтунда яшамиш жеда. Адан хам гзаф яцlу я — 1,5 сантимертдив агакьда. Хам яцlу ятlани, абуруз ракъинин нурарихъай, гьашаратри кlасунихъай кичlеда. Абурукай хуьн патал но­сорогри мукьвал-мукьвал кьарада къатадда.

Муькуь жуьрейрилай тафаватлу яз, лацу ва чlулав носорограл кьве карч ала. Крчарни кlарабдинбур ваъ, сигъ чlараринбур я. Носорогдивай са сятда 50 километрдин мензилдиз­ чукуриз жеда. Тух хьун патал и ажайиб гьайванди са юкъуз 70 килограммдилай тlи­мил тушиз набататар неда.

Гьазурайди — Куругъли Ферзалиев