Лувар квай чурчул

Лув гудай чурчулар асул гьисабдай Малайзиядин островра, Индонезияда, Малайзияда, Филиппинра яшамиш жезва. Абур чурчулрин агамадин жинсиникай я. Адетдин чурчулрилай тафаватлу яз, и гьайвандин къвалара хамунин гьяркьуь хуьлер (мембраны) ава. Лувариз ухшар «пердейрин» куьмекдалди адавай 20 метрдилайни гзаф мензилдиз лув гуз жезва.

Лувар квай чурчулрин яргъивал 20 сантиметрдив агакьда. Лув гудай вахтунда абурулай физвай тереф дегишариз алакьзава. Бедендин яргъивилин са пай асул гьисабдай тумуникай ибарат я. Кьил рагъул ва я къацу рангаринбур тир и чурчулри гьашаратар ва абурун шарагар неда, абур тамун тарарин хилерал яшамиш жеда. Чилел абур саки эвичIзавач. Чилел эвичI тавунин кьилин себеб абуру чеб вагьшийрикай саламатдиз хуьн я.

Пешекарри къейдзавайвал, лувар квай чурчулрин жуьреяр саки 40-дав агакьнава. Чебни гьар жуьре рангаринбур я: шуьтруьбур, ярубур, туракьбур, вилибур…

«Лезги газет»