Кувейт Азиядин девлетлу, амма гъвечIи уьлкве я.
Ирак, Саудовский Аравия Кувейтдин сергьятрив гвай къунши уьлквеяр я.
Кувейтда официальный чIалар кьвед ава: араб ва ингилис.
“Кувейтдин динар” и государстводин пул я. Ам дуьньяда виридалайни багьа пул (валюта) яз гьисабзава.
И уьлкведиз жезвай хийирдин 95 процент маса гьукуматриз нафт маса гуни тешкилзава.
И уьлкведа сиясатдин партияр авач, къанундалди къадагъа я.
Кувейтда эмир (регьбер) вирибурун иштираквал авай сечкийрин куьмекдалди хкязава.
И уьлкведин агъа кIанин пенсиядин кьадар 3 агъзур доллар я.
Кувейтвийри тIуьниз гзафни-гзаф гьуьлуьн суьрсетар ишлемишда.
Ина ички маса гун ва я хъун къадагъа я — уьлкведа исламдин къанунрал амалзава.
Кувейтдин агьалияр патал медицинани образование пулсуз я.
Кувейтдин халкьдикай 70 процент масанрай куьч хьанвайбур я.
Ина аялриз 26 йис тамам жедалди пособияр гузва.
Кувейтдин ватандашвал къачун саки намумкин кар я.
Эгер чкадин духтурривай начагъ кас сагъариз жезвачтIа, ам маса уьлкведиз ракъурзава. Гьа са вахтунда вири харжияр гьукуматди вичин хивез къачузва.
Кувейтда коммунальный къуллугърин гьакъи гьукуматди гузва.
Эвленмиш жезвай жегьилриз и уьлкведа гьукуматдин патай са шумуд агъзур доллар пишкеш яз гузва.
Кувейтда ракьун рекьер ерли авач.
Ина кьуд миллионни зуралай гзаф агьалияр яшамиш жезва.
Гьазурайди — Куругъли Ферзалиев
