23-июлдиз «Кьурагь район» МР-дин администрациядин заседайрин залда райондин кьилин заместитель Махач Хариева райондин идарайринни тешкилатрин жавабдар къуллугъчийрихъ галаз кlвалахдин совещание кьиле тухвана. И гьакъиндай «Лезги газетдиз» райадминистрациядин пресс-къуллугъди хабар гузва.

Нубатдин совещанидал алатай гьафтедин нетижаяр кьуна ва вилик квай месэлаяр веревирдна.

М.хариева сифте нубатда вири руководителриз «Зи Дагъустан» идара ийидай кадрияр хкядай конкурсда иштиракун теклифна.

Образованидин управленидин начальник Р.Катибова мектебра кьиле физвай ремонтрикай ва цlийи кlелунин йисаз аквазвай гьазурвилерикай ихтилатна.

Совещанидал рахай ЦРБ-дин кьилин духтур А.Азимован гафарай, азарханади пландин бинедаллаз кlвалахзава. Ада арадал къвезвай цlийиилерикайни ихтилатна.

«Кьурагьрин ЖКХ» МУП-дин директор М.Османова райцентрдин агьалияр хъвадай целди таъминвилин месэладикай ихтилатна. Адан гафарай малум хьайивал, хъвадай целди пис-хъсан таъмин я ва техникани къайдадик ква. Соещанидал и ва маса месэлайрин гьакъиндай мадни жавабдар ксар рахана, вилик акъвазнавай месэлайрихъ галаз танишарна ва абур гьялдай рекьер веревирдна.

Эхирдай М.Хариева жавабдар къуллугъчийриз къведай гьафтеда тамамарун патал са бязи тапшуругъарни гана.

«Лезги газет»