28-сентябрдиз Кьурагь райондин медениятдин кlвале «Кьурагь дагъларин авазар» лишандик кваз халкьдин манийрин республикадин фестиваль 6-сеферда яз агалкьунралди кьиле фена. Идакай «Лезги газетдиз» Кьурагь райондин администрациядин пресс-къуллугъди хабар гузва.
Манийрин фестивалда Дагъустан республикадин ЮТО-дин районрин машгьур манидарри, гьевескар музыкантри иштиракна.
Къейд ийин, Кьурагь районда музыкадин и мярекат кьиле тухун фадлай адетдиз элкъвенва. Фестивалдин макьсад халкьдин манияр, милли меденият машгьур ва таблигъ авун я.
«Лезги газет»
