Мукьвара Махачкъалада, Даггоспедуниверситетдин конференц-залда, етим аялрин ва четинвилер авай хизанрин месэлайриз талукь темадай (“Опыт развития региональной системы профилактики социального сиротства и семейного неблагополучия”) илимдинни тежрибадин регионрин уртах конференция кьиле фена.
Адан тешкилатчияр РД-дин Общественный Палатадин (ОП) гражданвилин жемият арадал гъунин ва агьалийрин конституциядин ихтиярар хуьнин Комиссия, ДГПУ-дин яшайишдин педагогикадин ва психологиядин, дефектологиядин образованидин факультетар, Дагъустандин НКЦ (научно-краеведческий центр) тир.
Конференцияда гьукумдин органрин, ведомствойрин, жемиятдин, СМИ-рин векилри, ДГПУ-дин са шумуд факультетдин преподавателри, студентри иштиракна. Веревирдзавай темадай ДГПУ-дин ректор Нариман Асваров, ОП-дин Комиссиядин, гьакIни Дагъустандин НКЦ-дин председатель Ислам Мегьамедов, Комиссиядин экономикадин, федеральный ва республикадин программаяр ва проектар кьилиз акъудунин месэлайрай председатель Минажат Гьасанова ва са жерге маса ксар рахана.
Конференциядин сергьятра аваз Нариман Асваровав акьалтзавай несилдиз ватанпересвилин ва руьгьдинни ахлакьдин тербия гунай Дагъустан Республикадин Общественный Палатадин патай чухсагъулдин чар вахкана.
Чи мухбир
