Тешкилат кардик кумукь тавуникди ва я штатар тIимиларуникди кIвалахдивай хьайи къуллугъчийри 13-августдилай алава заминвилер къачуда. КIвалах авачиз амукьайдалай инихъ ахьтин ксариз неинки сад, гьакI кьвед лагьай вацрани (эгер инсандиз кIвалахдай цIийи чка жагъанвачтIа) юкьван гьисабдин мажибдин кьадарда аваз эвездин пулар гуда. Бязи дуьшуьшра кIвалахдилай элячIайдалай инихъ пуд лагьай вацрани пулдин такьатар гудайвал я.
Къейд ийин, “Тешкилат терг хьунихъ галаз алакъалу яз, кIвалахдилай элячIай къуллугъчидиз заминвилер гун патал РФ-дин Зегьметдин кодексдик дегишвилер кухтунин гьакъиндай” 2020-йисан 13-июлдиз акъудай 210-нумрадин Федеральный закондик алай йисан июлдиз талукь тир дегишвилер кухтуна.
«Лезги газет»
