— Акьрабдин (скорпион) агъуди кукупIдиз зарар гудач.
— Адет яз, кукупIри чпиз мукар туькIуьрдач, абуру какаяр маса къушарин гьазур мукара хада.
— Цава лув гудайла, кукупIдин ранг вагьши къушрандаз ухшар жеда. И кар себеб яз, кукупIри мукарал алай маса къушариз кичIерар гузва ва, абур мукарай катайла, фена анра тадиз кака хазва.
— “КукупI” тIвар а къушран “ку-ку”-дихъ галаз алакъалу я. Францияда, Болгарияда, Чехияда, Германияда, Великобританияда ва Италияда адал ухшар жуьредин тIварар ала.
— ЧIехи кукупIди са сятда 100 кьван цIарнахар незва.
— Цавуз экъечIайла, кукупIривай, акъваз ва ял ягъ тавуна, 3600 километрдин мензилдиз кьван лув гуз жеда.
— Эгер кукупI яшамиш жезвай тама зиянкар гьашаратар артух хьайитIа, ам абур вири тергиз алахъда.
— Винел патан акунрай кукупI гъвечIи чинеругдиз ухшар яз гьисабзава.
— Адетдин кукупIдин яргъивал 32-34 сантиметрдив агакьда, ахъайнавай луварин яргъивал — 55-65 сантиметрдив. Адан заланвал 80-190 граммдикай ибарат жеда.
— Чпин какаяр маса къушарин мукара хазвайвиляй кукупIрин шарагар жуьреба-жуьре къушари чIехи ийизва. Са сезонда кукупIди 8-далай 25-дал кьван какаяр хазва.
— ТIебиатда кукупIар 10 йисуз кьван яшамиш жезва.
— Россияда хъуьруьнрин, ахмакьрин югъ яз гьисабзавай 1-апрель Шотландияда кукупIдин югъ яз къейдзава.
«Лезги газет»
