8-июлдиз Ахцегь райондин кьил Абдул-Керим Палчаева муниципалитетдин активдин совещанидал ЦРБ-дин кьилин духтурвиле Аскарова Мария Акимовна тайинарун тебрикна.
Абдул-Керим Палчаева виликан регьбердин агалкьунарни къейдна: «Митгьедин Садединовича больница ва чи райондин агьалияр патал хъсан гзаф крар кьилиз акъудна. И дегишвилер медицинадин идарадин неинки ремонтриз ва материально-технический база, гьакIни и хиле зегьмет чIугвазвай коллективдин кIвалах хъсанаруниз, ам районэгьлийрихъ мадни гегьеншдаказ элкъуьруниз талукьди я».
Муниципалитетдин кьили цIийи регьбердин фикир авай четин месэлайрални желбна: «КIвалах а тегьерда тешкилна кIанда хьи, медицинадин лазим вири куьмек агьалийривай ЦРБ-да къачуз жен. И къайдада кIвалахиз чалишмиш хьана кIанда. Агьалияр къуллугъар пулдихъ тир медцентрайриз фин тийидайвал. Эгер абур коммерциядинбур тир центрайриз рекье тваз хьайитIа, мукьвал вахтунда ЦРБ пешекарвилелди сагъариз тежедай идарадиз элкъведа. Адан мумкинвилер анжах направленияр кхьиналди акьалтIда. Куьне райондиз ва инсанриз менфят хкатуникай фикир ая. Куьне мадни коронавирусдин девирда, чеб больницадихъай галудна, маса идарайра галкIурнавай чи агьалияр райондиз хкунални кIвалахна кIанда. Куь вилик четин ва жавабдар кIвалах ква. Заз квехъ цIийи къуллугъдал сагъвал, сабурлувал ва агалкьунар хьана кIанзава. Гьихьтин куьмек квез лазим хьайитIани, чна гуда».
Ахцегь райондин администрациядин пресс-къуллугъди хабар гузвайвал, муниципалитетди ва кьилди Абдул-Керим Палчаева Ахцегь райондин ЦБ-диз виликан кесерлувал хкун патал гзаф чалишмишвилер ийизва. Райондин кьили, меценатрин такьатар желб авуналди, медицинадин багьа тадаракар ва аппаратура маса къачунва, жегьил кадрияр желбзава. Виликдай райондин кьили, ЦРБ-да анестезиолог авачиз хьунин къайгъу тадиз чIугуна жегьил духтур Шарабудин Тамиев, гуьгъуьнлай Ахцегь ЦРБ-да кIвалахунин 5 йисан икьрар кутIунна, лазим пешекарвал къачун патал кIелиз рекье туна. Виридалайни жегьил пешекардив мергьяматлувилин «Содействие и помощь» фондунин патай 1 миллион манатдин сертификат вахкана.
Чи мухбир
