И йикъара Ахцегьрин жуьмя мискIинда иниз капI ийиз къвезвай дишегьлияр патал кьилдин чкаяр эцигунин рекьяй кIвалахар башламишнава (шикилда). Абур кьиле тухунин мураддалди карчийри пулдин такьатар ахъайнава, абурухъ эцигунрин хейлин материаларни къачунва.
Пак гьадисда къейднавайвал, мергьяматлувилин садакьа гун еке суваб я. Жумартвал чпиз женнет гьазурзавай инсанрин ерийрикай я. Михьи рикIелди, хушуналди гузвай садакьади ахьтинбурун девлет артухарда ва адак берекат кутада. Эцигунрин кIвалахрал жуьмя мискIиндин имам, райондин имамрин советдин председатель Абдулгьашум гьажи Абдулгьашумова гуьзчивалзава. Мергьяматлувал къалуруналди, и кIвалахра динэгьлияр тир Надир Талханова, Тажидин Магьмудова, Жалал Абдулгьашумова ва масабуру иштиракзава. Сувабдин кардик къуьн кутазвайбурун винел къуй гьамиша Аллагьдин регьим хьурай!
Рагьидин Эминов
