Украинада кьиле физвай махсус серенжемда къалурнавай викIегьвилерайни Ватандин вилик хивевай буржи намуслувилелди ­кьилиз акъудунай  Руслан  Къурбановаз  Суворован медаль ганва.

Руслан Рамазанович Къурбанован ери-бине СтIал Сулейманан райондай я. Кьасум­хуь­руьн 2-нумрадин юкьван мектеб акьал­тIа­­райдалай кьулухъ, 2000-йисуз, ам РФ-дин Яракь­лу Кьушунрин военный институтдик экечI­на. Вуз акьалтIарайдалай кьулухъ­ ­же­­гьилдиз армиядин жергейриз эвер гана. ­Алай вахтунда РФ-дин оборонадин минис­терстводин Смоленск шегьерда авай кьушунра ротадин командирдин везифаяр тамамарзава.

Р.Къурбанова Украинада кьиле физвай махсус серенжемда сифте йикъалай иш­ти­ракзава. ВикIегь, рикIе къаст­ авай кьегьалдилай ко­ман­до­ваниди разивалзава.

Къейд ийин хьи, Руслан Къурбанован дах Рамазан Къурбанов самбодайни дзюдодай дуьньядин чемпион я, ада акьалтзавай несилриз спортдин и жуьрейрай хейлин йисара чирвилер гузва. Тежрибалу тре­нердин гъилик вердишвилер къачузвай цIуд­рал­ди жегьилрикай жуьреба-жуьре акъажунрин гъалибчияр хьана. Хайи чилихъ, Ватандихъ рикI кузвай ватанпересрикай сад тир Рамазан Къурбанова хсуси та­кьат­рихъ СтIал Сулейманан райондин Алидхуьре спортдин комплекс эцигнава ва алай вахтунда ана цIуд­ралди жаванриз спортдал машгъул жедай мумкинвал хьанва.

Агьмед Магьмудов