И йикъара Мегьарамдхуьруьн райондин Самур хуьре, аскервилин буржи тамамардайла, телеф хьайи женгинин гьерекатрин иштиракчияр рикIел хкуниз бахшнавай мярекат кьиле фена.
Райондин МКЦ-дин Самур хуьре авай филиалдин заведующий Малик Сейдалиеван куьмекдалди тешкилай мярекат Марианна Мирзехановади кьиле тухвана. Анал рахайбуру Ватан патал чанар гайи кьегьал аскеррин гьунарар рикIера хуьн герек тирди, абур жегьил несилриз ватанпересвилин чешне тирди къейдна.
Мярекатда Самур хуьруьн администрациядин кьил Р. Шагьпазова, райондин администрациядин информациядин центрадин директор Г.Закуевади, РД-дин экономикадинни праводин колледждин юриспруденциядин отделенидин заведующий Г.Мегьамедовадини студентри, райондин имам А.Сефиханова, хуьруьн имам А.Мегьамедова, женгинин гьерекатрин вахтунда телеф хьайибурун ва исятда Украинада кьиле физвай СВО-да кьегьалвилер къалурзавайбурун диде-бубайри иштиракна. Абуру чи аскеррин игитвилерикай ихтилатна, Ватандин хатасузвални азадвал патал чанарни гьайиф татайбурун тIварар кьуна.
Мярекатдал аялри ватанпересвилин шиирар кIелна, манидар М.Сейдалиева “Дурнаяр”, МЦК-дин Самурдин филиалдин манийрин кружокдин иштиракчи Э.Адиширинова “Ана, циферин кьулухъ” манияр тамамарна.
Л. Фетгьуьллагь
