И йикъара Хасавюртда, Гьамид Гьамидован тIварунихъ галай спортдин дараматда, грэпплингдай (кимоно алаз ва кимоно алачиз) СКФО-дин кIвенкIвечивал патал кьиле фейи акъажунра 73 кг-дал къведалди заланвал авайбурун арада приздин чка кьунвай спортсмен, вичин ери-бине Мегьарамдхуьруьн райондин Гъепцягьрин хуьряй тир Къазиагьмед Гьажиевакни чна еке умудар кутазва…
Къ.Гьажиеван тренер Эйнар Экберова къейд авурвал, Дагъустандин, СКФО-дин акъажунра нубатдин сеферра гъалибвал къазанмишиз алакьнавай спортсменди мукьвал вахтара вичин устадвал Россиядин кIвенкIвечивал патал акъажунра къалурдайвал я.
Чи мухбир
