И йикъара Каспийскда, “Анжи-Арена” стадиондал, буьркьуь ва вилерин ишигъ зайиф спортсменрин арада мини-футболдай “Каспий -2020” лишандик кваз международный турнир кьиле фена. Мярекат тешкилнавайбур UFC-дин чемпион Гьабиб Нурмегьамедов, Къазахстандай тир бизнесмен Кайрат Боранбаев ва мергьяматлувилин “Озарение” фонд ( президент — Гьажимурад Мегьамедов) тир. Ана Дагъустандай — 8, Московский областдин, Москвадин, Марий-Эл республикадин, гьакIни Къазахстандин ва Гуржистандин командаяр къугъвана.
Турнир башламишдалди вилик адан тешкилатчийри — Гь.Нурмегьамедова, К.Боранбаева ва Гь.Мегьамедова — мярекатдин макьсаддикай куьрелди лагьана, иштиракчийрихъ агалкьунар хьун алхишна.
Къугъунриз тамашиз атанвай ксарин арада РД-дин Кьилин ва Гьукуматдин Администрациядин руководитель Владимир Иванов, Дагъустандин физический культурадин ва спортдин министр Мегьамед Мегьамедов, Россиядин буьркьуьбурун спортдин Федерациядин президент Лидия Абрамовани авай. Къугъунилай кьулухъ жавабдар къуллугъчийри спортсменрихъ галаз суьгьбетарна, абурун тIал алай, гьакIни Дагъустанда буьркьуьбурун спорт вилик тухунин месэлаяр веревирдна.
Регина Семедова
