— Лезги, яхул, къарагъ кIвачел,

Дидейрин нек квез гьалал хьуй!

Вегьа кемен, галчIур душман!

Чал атайди вуч завал хьуй?!

(Надир шагь атайла)

 

— Масадаз фур эгъвей душман

Вич ахватай фуруз яб це!

Дагълар хьайи чIавуз пашман

Куьне Самур вацIуз яб це!..

Абдул  Муталибов

 

— Надиран гъед Дагъустандин дагълара акIана (хкахьна).

А.Новосельцев

 

— Бедбахтвиликай вили­­камаз аян хьун ва халкьдиз хабар гун — акьуллубурун, камаллубурун, бед­­бахтвал атайла, адахъ галаз женг чIугун дирибаш, уьтквем, жуь­р­этлу  рухвайрин  кар, везифа  я.

Питтаки

 

— Тарих, адан вакъиаяр, крар, игитар чир хьун, рикIел хуьн — им­ни яракь я. И чирвили инсанар руьгь­диз — девлетлубур, къилихриз — мягькембур, акьул-камалдиз хцибур, уяхбур ийизва.

В.Пикуль

 

— Инсанар гужлу идея патал экъечIзамай кьван гагьда къуватлу я.

Фрейд

 

— Кавказдиз ислягьвал це, чилин женнетни Евфратдал жагъуриз алахъмир — ам гьа ина (Кавказда) ава.

Б.Марлинский

 

— Тарих чирна кIанда, адакай гьакI рахун — ваъ.

М.Блек

 

— Гьараюналди — ваъ, инсанри­ зегьметдалди, кьегьал краралди къалурда чпин ватандихъ кIа­нивал.

Вс.Иванов

 

— Ватан патал кьиникь — им эбеди яшамиш хьун лагьай чIал я.

Ф.Кастро

 

— Виридалайни зурба кье­гьалвилер ватан гзаф кIан хьуникди ийизва.

Ж.Руссо

 

— Эхиримжи нефесдалди ватандиз вафалу хьухь!

А.Суворов

 

— Ватандилай къеце бахт авач, гьар сада жуван хайи чилиз дувулар ягъа.

И.Тургенев

 

— Жуван ватандин хва хьухь, хайи чилихъ галаз алакъа дериндай гьисс ая, адав хвавилелди эге­чIа… Инсандиз авайди са диде ва са ватан я.

К.Ушинский

 

— …Игитрин кьиникь рагъ акIу­низ ухшар я…

К.Маркс

 

— Инсаниятдин обществодин итижар патал вуч герек ятIа, лап кьетIи макъамда гьа кар ийиз­вайди — гьам игит я.

Ю.Фучик

 

— Жуьрэтлувал — им эхирдал кьван аннамишнавай жавабдарвал я.

П.Павленко

Гьазурайди — Ш.Шихмурадов