Мез кIевиз хуьх, кьенер алай балкIан хьиз.

Мазали  Али

 

Адалатсузвилихъ галаз женг чIугу, амма куьнни адалатлу хьухь.

Мегьамед  Ярагъви

 

Темпелдиз бахт хъуьредач.

Алкьвадар  Гьасан

 

И дуьнья са фана багъ я,

Куьне квез гьуьрмет ая тIун.

Етим  Эмин

 

Намуслуди амачир, буш

Са затI хьанва экуь дуьнья.

Кесиб  Абдуллагь

 

Чирвал авачиз авур

Кардин эхир шулугъ я.

Хуьруьг  Тагьир

 

Умудди гзаф вахтара инсан мураддив агакьарда.­

Межид  Гьажиев

 

Инсанар, абурун тебятар гьава хьиз я: гагь чими жеда, гагь серин.

Агьед  Агъаев

 

КIватIайди — К.КIелетви