ХьайитIани хъел тфенг­дин хиле,

Намусдиз жуван гумир на гуьлле.

 

АвуртIани вун уьмуьрди ажуз,

ТакIанбуруз жув ийимир ужуз.

 

ХьайитIани жув тIур­фанрик гьелек,

Амукьдайвал тур жуваз жув герек.

 

Нафт иличайтIа на чуьруькдин цIал,

Куда писвили ви уьмуьр­дин кIвал.

 

Къекъвез хьайитIа душ­­мандин геле,

Гьатда вун элкъвез кьисасдин гъиле.

 

Нефсини дуьнья вичихъ чIугвада,

Мискьивили чан чилихъ чIугвада.

 

Тежез хьайитIа иблисдин чIалахъ,

Секиндиз фида уьмуьрдин улакь.

 

Ахмакьдан хизан авара жеда,

Акьуллудан гаф бакара къведа.

 

Къутармишиз Ватан къе мад цIаярикай

Чи асланар хкечIзава чанарикай.

 

Душмандикай даим сурун къван хьана,

Нурар хьурай чи дидейрин накъварикай.

 

КIанзаватIа физ кьейидахъ галаз,

Мидя хьухь вал чан гъайидахъ галаз.

 

Дугърида хуьда гьамга хьиз намус,

КIватI жеда чиркер арсуздан хуруз.

Саират