Анхель — им дуьньяда виридалайни кьакьан чарчар я. Адан кьакьанвилел 979 метр кьван ала (бязи чешмейри 1054 метр къалурнава). 1933-йисуз чарчардин кьилелай летчик Джеймс Эйнджел (ингилис чIалал — AngeI) фейивиляй адал Анхель тIвар акьалтна.
Чарчар Венесуэладин Боливар штатдин тропикрин тамара, Канайма тIвар алай милли паркунин сергьятра ава. Итижлу делилрикай сад ам я хьи, чарчардин ара датIуз, синерихъ галукь тийиз, яд гадар жезвай чкадин кьакьанвилел 807 метр ала. Яд, чилив агакьдалди, чиг хьиз хъичезва, нетижада ам цифедиз элкъвезва. Гьакъикъатдани, са шумуд километрдин яргъайни ам циф хьиз аквада. Гадар жезвай яд Кереп тIвар алай вацIуз авахьзава.
Чарчардин яд Венесуэладин Ауянтепуи дагъдин кукIушдилай гадар жезва. Дагъдин тIварцIи, таржума авурла, “шейтIандин дагъ” мана гузва.
Гьазурайди — Куругъли Ферзалиев
