ЦIийи йисан тIатIилрин вахт алукьдалди вилик РФ-дин просвещенидин министр Ольга Васильевади “Россиядин газетдиз” гайи  интервьюда уьлкведин вири майданда муаллимри амал авуна кIанзавай кIвалин кIвалахдин кьадардикай лагьана.

“Сад лагьай классра кIелзавай аялриз кIвалин кIвалахар гузвайди туш. 2 ва 3-классра авайбуру ам тамамарун патал са сятни зуралай артух вахт серфна  кIандач, 4-5-классрин аялар патал вини кьилин вахт 2 сятиниз,  6-8-классра – 2 сятни зураз ва 9-11-классра 3 сятни зураз барабар хьана кIанда”, — лагьана О.Васильевади.

ГьакIни ада къейд авурвал, школада кIелзавай аялдал тарсар чирунин карда  гьалтзавай  четинвилерин вини кьадарни тайинарнава.

Алукьнавай тIатIилриз талукь яз министрди малумарайвал, аялриз школадикай ял ядай мумкинвал гана кIанда. Гьаниз килигна, муаллимри  кIвалин кIвалахар гзаф гана кIандач. Федеральный идарадин руководителдин фикирдалди, гьам аялриз, гьамни чIехибуруз кIвалахдикай ял ядай, хизандихъ галаз акъуддай вахт хьун герек я.

«Лезги газет»