Дагъустан Республикадин туризмдин ва халкьдин художественный сеняткарвилерин рекьяй министр Эмин Мерданова ТАСС-диз хабар гайивал, майдин вацра Дагъларин уьлкведиз ахмиш жедай туристрин кьадар 20 процентдин артух жеда.
“2021-йисан майдин вацра Дагъустан Республикадиз 100 агъзурдав агакьна туристар атанай. ЦIи абурун кьадар 120 агъзурдалай алатда”, — лагьана ТАСС-дин векилди. Адан гафаралди, республикадин мугьманханайрин чкаяр виликамаз тамамвилелди кьунва.
Идалай вилик Ростуризмди хабар гайивал, Россиядин Кьиблепата авай регионриз майдилай октябрдалди 10 миллиондив агакьна инсанар фида. Ведомстводи гьисабзавайвал, алатай йисав гекъигайла, туристрин кьадар 30 процентдин гзаф жеда.
Дагъустан тIебиатдин, археологиядин, тарихдин кьетIен ва гуьрчег чкайралди девлетлу я. Идахъ галаз сад хьиз, Дагъустанда Россияда санани авачир хьтин субтропикрин Самурдин там, Евразияда виридалайни чIехи къумадин кIунтI (Сарыкум), Сулакдин гуьтIуь дерин дере, гьакIни Каспий гьуьл ава.
«Лезги газет»
