Квез чидани?

.  Шахматрин са къугъуна вад агъзурдалай гзаф ходар ийидай мумкинвал ава.

.  Жирафдин иви гзаф икьиди я. Эгер и кьетIенвал авачиртIа, адавай гьасятда кьил хкажиз, агъуз хъийиз жедачир – мефтIеди ам кьиникьал гъидай.

.  Дуьньяда виридалайни еке йиртижи балугъ лацу наха (акула) я. Адан яргъивал 6 метрдив ва заланвал 2 тонндив агакьун мумкин я.

.  Вилик вахтара айнайрин гумади кьунвай жуьредин шуьшейри вилер ракъинин къати экуьникай хуьзвайди яз гьисабзавай. Ихьтин айнаяр пул квайбуру ийизвай кьилдин заказрин бинедаллаз туькIуьрзавай. Ракъиникай хуьдай айнаяр гегьеншдиз арадал гъунив 18-асирдин эхирра эгечIна. А чIавуз Наполеона Египетда женгера иштиракзавай вичин армия патал ихьтин айнаяр заказ авунай.

.  Инсандин вилерин екевал хайидалай кьулухъ гьа авайвал амукьзава. Амма нер ва япар вири уьмуьрда яваш-яваш еке жезва.

.  Ргай (кузвай) яд къайидалай фад муркIади кьада.

.  Кьурурайла, емишрикни майвайрик эвелдай кваз хьайи витаминринни антиоксидантрин 30-80 процент кумукьзавач.

.  Калин некIедилай агъургъан акьалтуникди азабдик акатзавай инсанрин кьадар датIана артух жезва.

.  Кьве миллиард инсандикай анжах са кас 116 йисалай гзаф яшамиш жезва.

.  Инсандивай тIуьн галачиз вацра яшамиш жеда, амма яд галачиз – анжах гьафтеда.

.  Зумрудар (къацу багьа къаш) ярубурни жеда. Тек-туьк жагъизвай ихьтин яру къванериз «биксбит» лугьузва. Абур США-дин Юта штатдай жагъида.

«ЛГ»