Квез чидани?
— Чилел яшамиш жезвай 50 процентдилай гзаф инсанриз жив вуч затI ятIа чизвач.
— Виридалайни чIехи вили китдин рикI кьезил автомашиндин екевилиз барабар я.
— Алтайда “Кьиникьин дере” тIвар алай чка ава, анин вулкандин газар инсан патал гзаф хаталу я.
— США-дин штатрикай сана кардик квай къанундал асаслу яз, куьчедал акъудзавай кацерин гарданра пуд куркур хьун лазим я. И къанунди къушар кьуд кIвач квай вагьшидин гьужумдикай хуьзва.
— Комодо островда авай варанрилай (чIехи чурчул) чпелай чIехи гьайванрал гьужум ийиз алакьзава. Абурун сарарик хаталу, зегьерлу бактерияр ква. Варанри иви яргъалай гьиссзава, гьавиляй эгер инсандал хер алаз хьайитIа, ам варанар яшамиш жезвай къурухриз фин хаталу я.
— Кьурурнавай емишрихъ абурухъ хьайи эвелан менфятлу такьатрин чIехи пай кумукьзавач.
— Са килограмм вирт кIватIун патал чIиж 4 миллиондилай гзаф цуькверал фин чарасуз я.
— Банан гьеле-меле агъургъан гъин тийидай емиш яз гьисабзава, гьавиляй ам пюредин жуьреда бицIекризни гузва.
— Гегьеншдаказ раиж хьанвай чIалар фикирда кьуртIа, сад лагьай чкадал китай чIал ала, кьвед лагьай чкадал — испан, пуд лагьай чкадал — ингилис.
— Китайдин рагъакIидай пата шекердин чкадал чайдиз кьел вегьена хъвадай къадим адет кардик ква.
— Марабу тIвар алай къушравай цава лув гудай береда ахварни ийиз жезва.
«Лезги газет»
