Дагъустандин медениятдин ирсинин цIуд объект 3D турдик акатда. Къейд ийин хьи, 3D тур алай аямдин технологийрин цIийивал я. И программадин (проектдин) куьмекдалди инсандивай, компьютердихъ ацукьна, тайин са затIунин (мисал яз, дараматдин) кIалубдиз, килигиз жеда. Медениятдин ирсинин объектриз талукь 3D тур тарихдинни медениятдин памятникар машгьур авунин, медениятдин ирсинин объектриз мукьва мулкар аваданламишунин рекьяй кьиле тухвай грантрин конкурсдин сергьятра аваз арадал гъанва.
“Лезги газетдиз” Ахцегь райондин администрациядин пресс-къуллугъди хабар гайивал, 3D турдик акатдай объектрин арада Дербентдин, Ахцегьрин жуьмя мискIинар, Ахцегьрин къеле ава.
Тарихдин метлеб авай имаратриз, чкадал тефена, интернетдин куьмекдалди “Google Карта”-дин платформада ва РД-дин медениятдин ирс хуьнин рекьяй Агенстводин сайтда килигиз жеда.
«Лезги газет»
