Каспийский флотилиядин 300 йис тамам хьуниз талукьарна Каспийск шегьерда кьиле фейи мярекатдин сергьятра аваз, РД-дин Кьил Сергей Меликова флотилиядин командующий Александр Пешковав Украинада кьиле физвай махсус серенжемда иштиракзавай къуллугъчияр патал нубатдин куьмек агакьарна.
“Лезги газетдиз” РД-дин Кьилин пресс-къуллугъди хабар гайивал, флотилиядин серенжемда иштиракзавай къуллугъчийриз куьмек яз парталар, раскладушкаяр, махсус месер, дарманар ва маса затIар чара авунва.
Къейд ийин хьи, Сергей Меликова Украинада кьиле физвай махсус серенжемда иштиракзавай дагъустанвийрин игьтияжар таъминарун патал абуруз герек затIар, энгел тийиз, агакьарун теклифнава. Республикадин МЧС-да серенжемдин иштиракчийриз рекье твазвай затIар кIватIзава. И карда меценатри, районринни шегьеррин администрацийрин векилри, жергедин агьалийри иштиракзава.
«Лезги газет»
