Уьлкведин жуьреба-жуьре регионрин мектебра кIелзавай аялри Украинада кьиле физвай махсус серенжемда иштиракзавайбуруз руьгь кутадай чарар рекье твазва. Мукьвара Буйнакск шегьердин мектебра чирвилер къачузвай аялри Запорожьедин областда къуллугъзавай аскеррин тIварцIел кагъазар ракъурнавай.
Аскерри, чпин нубатда, аялриз сагърай лугьузвай видео гьазурна. Ам Буйнакск шегьердин вири мектебра къалурна.
“Играми аялар! Чал куь чарар агакьна. Абуру чак руьгь кутазва, гъалибвилихъ тухузва. Чна вири халкьдин патай чIехи куьмек гьиссзава ва и карди чун вилик финиз таъсирзава. Аскердин зегьмет гьич садрани регьятди хьанач. Гьикьван четин хьайитIани, чун Ватандин къуллугъда акъвазда.
Чахъ агъунвай ва чун вилив хуьзвай вири аялар сагърай. Баркалла Урусатдиз!”, — къейднава аялриз рахкурнавай видеода.
«Лезги газет»
