2022-йисан 14-ноябрдиз жемиятдин, сиясатдин деятель, РД-дин Халкьдин Собранидин депутат Ильман Субгьанович Алипулатов денбеден рагьметдиз фена.
Им неинки адан багърияр, мукьва-кьилияр, дустар, гьакI республикадин вири меденият, журналистика, университетда адахъ галаз санал кIвалахайбур, студентар ва адахъ галаз таниш гьар са кас патал чIехи магьрумвал я.
Ильман Субгьановича 40 йисалай гзаф вахтунда региондин государстводин СМИ-дин хиле кIвалахна. И девирда ада вич алакьунар, хсуси жигьет, рехъ авай журналист ва регьбер, хъсан тешкилатчи ва муаллим яз къалурна.
РД-дин “Экономикадин ва праводин колледж” ГБПОУ-дин директор Гьайдаров Насир Алиевича ва колледждин вири коллективди Ильман Алипулатован багърийриз, мукьва-кьилийриз башсагълугъвал гузва. Чи дустунин экуь къамат чна рикIера хуьда.
