И йикъара Мегьарамдхуьруьн МР-дин кьил Фарид Агьмедоваз Храх-Уба хуьруьн жемиятдин советдин председатель Бахтияр Мамедов ва Кеферпатан Кавказдин исламдин ахтармишунрин центрадин директор Руслан Гереев мугьман хьана. Идакай «Лезги газетдиз» райадминистрациядин пресс-къуллугъди хабар гузва.
Мугьманри Россиядин ватандашар (Мегьарамдхуьруьн райондин) Азербайжан республикадин Хачмаз райондай Дагъустан республикадиз куьчар хъувунин месэлайра куьмек гунай Храх-Убадин жемиятдин советдин, и ва Урьян-Уба хуьрерин агьалийрин, агъсакъалрин патай чухсагъул малумарна.
Бахтияр Мамедова ва Руслан Гереева агьалияр куьчар хъувунин месэлайра ацалтай бязи четинвилера куьмекар гунай, гьакIни чеб ашкъидивди кьабулунай райондин кьилиз сагърай лагьана. Вичин нубатда Фарид Агьмедовани мугьманриз разивилин келимаяр лагьана. Ада къейд авурвал, ватандашрин месэла анжах и йисуз, сифте нубатда РД-дин кьил Владимир Васильеван алахъунар себеб яз, тамамдаказ гьялиз алакьна.
«Лезги газет»
