Къе, 14-январдиз, Сулейман-Стальский райондин администрацияда райондин кьил Нариман Абдулмуталибова райондин физический культурадин, спортдин, туризмдин ва жегьилрин крарин комитетдин директор Надир Эфендиевав республикадин смотр-конкурсдин гъалибчидин кубок ва гьуьрметдин грамота вахкана. Идакай «Лезги газетдиз» райадминистрациядин пресс-къуллугъди хабар гузва.

Къейд ийин, 2018-йисуз физический культура ва спорт вилик тухунин жигьетдай лап хъсандаказ кIвалахар тешкилунай Дагъустан республикадин муниципалитетрин арада  Сулейман-Стальский район сад лагьай чкадал хьана.

Республикадин конкурсдин гъалибчийризни приздин сагьибриз шабагьар гунин шад мярекат идалай вилик, 26-декабрдиз, РД-дин спортдин министерстводин конференцийрин залда кьиле фенай.

Райондихъ алай йисан нетижайрани агалкьунар хьурай!

«Лезги газет»