Дагъустандин мектебра агротехнологиядин классрин кьадар хейлин гзафарун фикирда кьунва: 2030-йис алукьдалди ихьтин классрин кьадар 500-далай гзаф хьун лазим я. Ида республикадин агропромышленный комплекс патал хейлин пешекарар гьазурун таъминарда, гьисабзава РД-дин хуьруьн майишатдин ва недай суьрсетдин министр Мухтарбий Аджекова.
Алай вахтунда республикада 52 агрокласс ава, ина аялри малдарвал, багъманчивал, ветеринария ва хуьруьн майишатдин суьрсет гьялун хьтин хилерай чирвилер къачузва. 2030-йисалди ихьтин классар мад 475 мектебда ачухда. Абурукай 28 мектебда — алай йисуз.
Мухтарбий Аджекова хуьруьн майишатдин хел патал кадрияр гьазурунин месэладив, мектебра къачузвай чирвилерилай эгечIна вузрал агакьдалди, вири патарихъай фикирда кьуна, эгечIунин важиблувал къейдна. Проектдин асул макьсад акьалтзавай несил хуьруьн майишатдал рикI алаз тербияламишун ва абуруз лазим тир вердишвилер къачудай мумкинвал гун я.
Проект уьмуьрдиз кечирмишун патал Дагъустанди Россиядин хуьруьн майишатдин министерстводиз федеральный «АПК-диз кадрияр» проектда иштиракун патал арза рекье туна. Федеральный такьатри агроклассар алай аямдин истемишунриз жаваб гудайвал таъминардай мумкинвал гуда.
Ж. Саидова
