26-ноябрдиз Госдумади газ квай, мумкин тир хаталувал авай метягьар тамам яшдив агакь тавунвайбуруз маса гунал къадагъа эцигунин къанун кьабулна. Идакай Госдумадин Председатель Вячеслав Володина вичин телеграм-каналда хабар ганва.
Къанундин къайдаяр кьилиз акъудун патал жавабдарвални тайинарнава. Кьилди къачуртIа, къанун чIурай дуьшуьшра ихьтин жермеяр авун теклифзава:
— инсанар патал — 60 агъзур манатдал кьван;
— къуллугъдал алай ксар патал — 300 агъзур манатдал кьван;
— тешкилатар патал — 600 агъзур манатдал кьван.
Аялриз энергетикар маса гунай тайинардай жермейриз талукь законопроектни гьазурзава. Ихьтин жермеяр теклифзава:
— инсанар патал — 50 агъзур манатдал кьван;
— къуллугъдал алай ксар патал — 200 агъзур манатдал кьван;
— тешкилатар патал — 500 агъзур манатдал кьван.
«Ихьтин къанунар тамам яшдив агакь тавунвайбурун сагъламвал хуьнин, гьакIни чIехибур фагьум тавуна ийизвай краривай къерех авунин макьсаддалди акъудзава. Аялар азарар акатуникай хуьн патал вири крар кьилиз акъудун герек я», — лагьанва В.Володинан малуматда.
«ЛГ»
