Алатай йис, санлай къачурла, уьлкве, республика патал регьятди хьанач. Амма чи кьегьалри, спортдин кесерлу майданра чпин гьунарар къалуруналди, гъалибвилер къазанмишна, чи руьгь хкажна. Лезги спортсменрин агалкьунар фикирда кьуналди, виридалайни тафаватлу хьайи 10 касдин тIварар раиж авун чаз фадлай адетдиз элкъвенва. Ацалтзавай вири четинвилериз дурум гана, чпин устадвал ва алакьунар вини дережада аваз къалурзавай, чи уьлкведин хьиз, дуьньядин спортдин кьакьан кукIушарни муьтIуьгъарзавай чи ватанэгьлийрин кьадар тIимил туш. Къуй абурун жергеяр мадни къалин хьурай! Чи халкьдин милли руьгь ва тIвар хкажзавай гьар садаз чна рикIин сидкьидай сагърай лугьузва. Къуй алукьнавай ЦIийи йисуз дуьнья ислягь хьурай, спортдин майданарни — ачух!
Рагнеда Рамалданова
