Чаз малум тирвал, луткунви кье­гьал хва, Къазахстанда кIвалахзавай бизнесмен Сулейманов Жигерхана вич бажарагълу лезги хва тирди халкь патал ийизвай  къени краралди къалурнава.

Виридаз аквадай чкадал, Рутулиз физ­вай шегьре­ рекьин къерехда, “Самур” тIвар алаз са шу­муд дарамат — шад меж­ли­сар кьиле тухудай чIехи утагъ, сагъламвал хуьн па­тал медицинадин чIехи центр, мугьман­хана, алишверишдин кIвал (ва икI мад) хкажнава. Абур акур бязибуру, гьейран яз, “Самур дере икI бе­зетмишнавайди вуж я?” лугьуз хабарар кьада. Жаваб гуз кIан­за­ва: ам  чи дередин кьегьал — Сулейманов Девлет­ханан хва, хайи халкьдихъ рикI кузвай, адан къайгъудар, Афгъанистандин дяве­дин къати женгера кьегьалвилелди иштиракай, гьуьрметдин грамо­тайрин, хейлин шабагьрин, гьа гьисабдай яз “Жуьрэтлувиляй” медалдин сагьиб Сулейманов Жигерхан я. Ада хуь­руьн­ же­­мятдизни еке куьмекар гузва. Ада эцигнавай дараматри (бязи ше­гьеррани ахьтинбур авач жеди) чи Самур дере нурламиш­нава.­

“Ви рикIе авай вири мурадар кьилиз акъатрай, Самур дере­дин­ кьегьал, чIехи рикI авай хва. Жигерхан!” — алхишзава же­мятди.­

С.-А. Абдурашидов,

Хъуьлуьд