Эхиримжи гьафтеда Дагъустанда хумадик начагъбурун кьадар 7,3 % артух хьанва

Роспотребнадзордин Дагъустанда­ авай Управленидин пресс-къуллугъ­ди хабар­ гузвайвал, мектебра кIел­завай аялрин арада хумадик начагъ хьанвайбурун кьа­дар артух хьун себеб яз, республика­дин 20-далай виниз мектебра кIвалах арада мензил аваз тешкилнава.

Управленидин малуматда къейдна­вай­вал­,­ эхиримжи гьафтеда Дагъустан­да хумадик начагъбу­рун кьадар 7,3% гзаф хьанва. Хума садакай­ масадак акатдай вирусдин азар тирди фикирда кьуна ва ам гегьенш тахьун патал бязи мектебра вахтуналди карантин кардик кутадай къарар кьабулнава.

РикIел хкин, идалай вилик студент­рин 28 процент хумадик начагъ хьун себеб яз, Буйнакск шегьерда авай медицинадин училищедани карантин кар­дик кутунай ва кьве мектеб вахтуналди агалнай.

Агьмед Магьмудов