Шамил Гьажимирзоев чи газет кIелзавайбуруз таниш тIвар я. Тамам кьве йис идалай вилик ам дзюдодин сирер чирунив эгечIнай. Са тIимил вахтни арадай тефенмаз, ам шегьердин ачух кIвенкIвечивал патал акъажунра — 1, республикадин дережадани вичин устадвал къалуруналди 2-чкайриз лайихлу хьанай. Ада Каспийскда тренер Тайгиб Жанбегован гъилик вердишвилер къачузва. Школада 3-классда хъсан къиметар аваз кIелзава.
Шамила вичин къуватар самбодай ахтармишун кьетIна. ИкI, алатай гьафтеда Къарабудахкент районда спортдин и жуьредай СССР-дин сад лагьай спортмастер хьайи Казбек Къурбанован гьуьрметдай 2010-2012-йисара дидедиз хьанвай жаванрин арада кьиле тухвай республикадин ачух турнирда Шамил Гьажимирзоева (23 кг) 2-чка кьуна. Ам медалдиз, Гьуьрметдин грамотадиз ва пишкешдиз лайихлу хьана.
Чна Шамилахъ мадни еке агалкьунар хьуник умуд кутазва.
Чи мухбир
