ЧIехи жезвай несил спортдал ва сагълам уьмуьр тухунал желбунин кIвалах Мегьарамдхуьруьн районда къвердавай гегьенш жезва. И кардиз райондин кьилини еке фикир гузва, районда мукьвал-мукьвал спортдин мярекатар тешкилзава.
10-декабрдиз Мегьарамдхуьре 2006-2008-йисара дидедиз хьанвай аялрин арада азаддиз кьуршахар кьунай акъажунар кьиле фена. Советрин Союздин Игит Абас Исрафилован тIварунихъ галай 1-нумрадин спортшколада тешкилнавай и акъажунар лап итижлубур тир. Ина гъвечIи пагьливанри чпин алакьунар, чанда авай къаст къалурна. Акъажунрин вири гъалибчияр ва кIвенкIвечи чкаяр кьурбур грамотайринни пишкешрин иесияр хьана.
Дагъви Шериф
