Ахцегьрин 1-нумрадин школадин 9-11-классра кIелзавай аялар ноябрдин вацра Китайдин Гуанчжоуда кьиле фейи Китайдинни Россиядин спортдин 7-къугъунрин гъалибчияр тир, гьа и школада 11-классда кIелзавай Асвар Палчаевахъ ва анаг акьалтIарнавай Беглерхан Мисрихановахъ галаз гуьруьшмиш хьана.
Б.Мисриханов ва А.Палчаев азаддиз кьуршахар кьунай вад касдикай ибарат Россиядин командадик квай. Абур Китайдай ватандиз медалар гваз хтана. Спортсменрин сад лагьай тренерар ДЮСШ-дин директор Марсель Гьажиев ва классдилай къеце кIвалахунай директордин заместитель Вагьаб Саидов тир.
Спортсменри чпин муаллимриз, тренерриз сагърай лагьана. Абуру и акъажунра чпиз-акур-такур крарикайни суьгьбетарна.
Дагъви Шериф
